Kathrine og Lars Erik

Great barrier reef

2011-08-23T06:55:00.002+02:00

Snorkling og dykking (!). Kathrine fekk endeleg sett si første havskilpadde og Lars Erik fekk endeleg prøve å dykke. Kjempekjekt, heilt til ein mann spydde på LE på veg heim...

Surfing

2011-08-12T12:03:00.002+02:00

Leikande lett - eg tek det i blinde. Eller ikkje.
Det var Kathrine som eigde desse bretta. Ho stod fem bølger før ho blei våt i håret!

Konkurranse der siste mann i vatnet slapp å lage middag;)

Surfers Paradise

2011-08-08T12:32:00.003+02:00

Etter flyturen til Brisbane plukka vi opp campingbilen, og køyrte ned til Surfers Paradise. Her fekk vi treffe igjen søskenbarnet til LE, Tuva, som studerar/jobbar her nede. Grådig kjekt. Vi blei hos slekta i to dagar, før landevegen kalla igjen.

Meir Sydney

2011-08-08T12:22:00.002+02:00

Tok ein båttur til Manly her om dagen. Fint der også.

Knipsa sjølvsagt nokon bilder;)

Sydney

2011-08-03T02:45:00.003+02:00

Nokre små glimt fra veka vår i Sydney.
Vi har fått sett ein del av byen - har vært skikkelig turistar og vært på rundtur med sightseeing-buss bl.a. :)
Har vært på Bondi Beach, sett Operahuset og Harbour Bridge, trakka gatelangs i store delar av sentrum, dagstur til Blue Mountains, Hillsong mm.
Idag er planen å ta ein båttur til Manly Beach, og forhåpentligvis knipse litt bilete av Operahuset og Harbour Bridge i skumringa :)

Bondi Beach.

Operahuset.

Hillsong i sentrum.

Fartsmaskin

2011-08-03T02:34:00.003+02:00

Slik såg badboyen vi leigde i NZ ut. Berrre ein positiv ting å seie om den; automatgir.
Likevel gjorde den jobben, og vi kom oss rundt på Nordøya.

Rotorua

2011-07-29T01:20:00.002+02:00

Rotorua har eit veldig spesielt vulkansk landskap, og også ei spesiell lukt. Heile byen luktar svovel, og det "poppar opp" varme kilder og damp fra bakken over alt. Vi har sett geysir, kokande innsjøar, boblande gjørme og andre fasinerande naturfenomen.
Vi har også vært innom "Polynesian Bath", som er eit spa med ulike varme kilder ein kan bade i heilt nede ved innsjøen. Lufttemperaturen ute var rundt 10 grader, medan temperaturen i vatnet var omtrent 38 grader. Det var ikkje feil.

Geysir

'Frying pan lake'

Kokande gjørme

Polynesian bath

Auckland

2011-07-29T00:56:00.003+02:00

Vi har hatt ei fin veke i New Zealand, og her kjem nokre bilete fra Auckland. Vi har vært så heldige å få bo med Karen og Mitch, og dei var med som private guidar på Auckland Museum. Dette var eit fantastisk museum, og anbefalast på det varmaste! Folk er utruleg åpne her, og vi har lært ein del om folket og maorikulturen under oppholdet. Veldig kjekt :)

Utsikt over Auckland fra 'one three hill' (som ikkje har tre lenger).

Sky Tower (det er ikkje vi som hoppar.. kanskje neste gang? :))

Miriama

Grotterafting

2011-07-27T23:50:00.004+02:00

Ein høgdare sålangt var blackwater rafting inne i Waitomo caves. Utrusta med kvar vår hodelykt og bilring flaut/gjekk/hoppa vi rundt inne i fjellet.

Desse grottene er ei av få der ein kan sjå "glowworms", små larvar som lever inne i fjellet og som lokkar til seg insekt ved å forbrenne dritten sin. Kanskje ikkje så romantisk, men det såg ut som flottaste stjernehimmelen. Magisk å flyte nedover på rekke og rad inne i bekmørket og sjå opp på dette.

(illustrasjonsfoto med kunstig lys attåt, sjå meir her)

Flytur

2011-07-24T09:23:00.002+02:00

Då har vi komt oss litt til hektene igjen etter flyturen til Auckland. Var ei grei reise, så bra som det kan bli utan å reise på første klasse;) Var spennande å flyge inn over Hong Kong, og to (!) fine soloppgangar å sjå utan for vindauget. Bur hos nesten-søskenbarn Karen og Mitch no. Trivlig å bli betre kjent med dei, og å få sjå den 6 veker gamle babyen deira.

Større bølger

2011-07-18T19:28:00.002+02:00

Denne sommaren her vil vi ha litt større bølger, litt større leigebil og litt lenger ferie. Kanskje får de sjå bilder.

Bursdagar

2011-04-13T23:11:00.003+02:00

Vi har hatt nokon bursdagar i det siste. Stas. For både store og små bursdagsbarn.

Meir VM

2011-03-20T21:04:00.003+01:00

Ei flott helg, både i og utanfor løypa.

Gull

2011-02-27T17:33:00.003+01:00

Var oppe i marka istad, og fekk med oss godbiten 30km herrer (med skibyte). Stod saman med KRIK-gjengen, som visste å levere hei-ing av beste sort. Petter skuffa ikkje han heller;)

Neste helg satsar vi sterkare, og vil overnatte. Bli gjerne med enten heile helga, eller berre på dagtid! Dette er opplevingar ein ikkje får så ofte.

Langtur

2011-02-16T19:38:00.005+01:00

Då har vi booka langtur til Australia og New Zealand på seinsommaren. Har hatt lyst til dette lenge, og endeleg passa det seg slik at vi fekk det til. Forhåpentlegvis får vi sjå meir av slike ting, og mykje anna spanande!

Tilbakeblikk/skippertak/maraton

2011-02-06T21:55:00.011+01:00

Sidan før jul har vi vore travle.

Vi har vore på julegateopning i Lommedalen...

... og møtt den vaskeekte coca-cola-jule-traileren på veg til Fosnavåg.

Så har vi leika med katten..

... hengt med familien...

...hogga juletre...

...og pynta det!

Innimellom fekk vi spela både guitarhero og brettspel...

...før rakettane spratt opp på nyttårsafta.

Så reiste LE til Spania med nesten heile familien...

..og såg nydelege soloppgangar frå verandaen.

I tillegg til eit svært raskt/kaldt bad, blei det tid til ein del vaffler...

... dissing (huske), rugbuy, tennis, og basketball i hagen.

Heime igjen, var det tid for ein skøytetur.

Som om dette ikkje er nok, så har vi begge hatt omgangssjuke og vi har renovert kjøkkenet. Ikkje umogeleg at de får sjå bilete av det ferdige kjøkkenet, viss det berre blir ferdig ein gong;)

Aking

2010-12-20T11:59:00.002+01:00

Små barn - store gleder
Store barn - store gleder!

Pepperkaker

2010-12-20T11:48:00.003+01:00

Laga nyleg pepperkaker med Risholms. Den dagen var det visst litt kjekkare å pynte dei enn å holde auge med siste rest av steikinga;)

Fri (as a bird)

2010-12-14T12:30:00.004+01:00

Då var siste eksamen unnagjort, og eg har fri. No er det endeleg Kathrine sin tur til å kome heim til ferdig middag.

Pølsemakar

2010-11-29T21:25:00.004+01:00

Dorthea var med på julepølsehelga på Sandane for første gang sist helg. Sjølv om ho ikkje skjøna stort, såg det ut til at ho tivdes. Det var i alle fall kjekt for LE å få vere med systa og niesa ei helg.

Leilighet

2010-11-20T23:16:00.004+01:00

Ein dag i førre veke kjøpte vi oss ein leilighet! Dette er stas, og spesielt kjekt at vi slepp å flytte;)

Brann

2010-11-12T18:04:00.001+01:00

Den dagen det brann på Torshov.

støtfanger

2010-11-09T18:31:00.002+01:00

Og så var det den dagen lisjegut fekk lære om støtfangeren.

Takk for det

2010-11-04T20:17:00.001+01:00

Sånn frå pendlar til pendlar: Kvifor har dei ikkje stillevogner på alle toga?

Nordfjord

2010-10-29T17:59:00.005+02:00

Bjarte og eg fekk 40 kompisar (!) på Nordfjord FHS. Det er ny skulerekord!
Kjekt at så mange ville vere med å støtte det nye prosjektet i India!

Flytur

2010-10-26T13:19:00.005+02:00

Eg (LE) er heime ein snartur i helga, for å treffe familien og jobbe for Kompis, tradisjon tru. Og nok ein gang endte eg opp i Sogndal. Denne gangen på grunn av dårleg ver i Troms (ja, heilt sant), tidlegare på dagen. Drosja til Sandane køyrte fort, så eg slapp unna med 3 timar forsinkelse. Heldigvis er det fint heime då!

Utabys

2010-10-18T21:20:00.005+02:00

Ha vore i Göteborg på biltur og på Ungepar-Weekend på Hermon høgfjellssenter dei siste helgene. Godt å kome seg litt ut av Oslo.

Lang og trufast teneste

2010-10-11T15:38:00.004+02:00

I heile haust har Morten og eg fått bruke ein strøken veteran frå 1978 til og frå Universitet på Ås. Herregårdsvogna (Volvo 244) har no teke turen over vatnskillet for å sleppe unna den kalde og salte austlandvinteren. Takk til fleire generasjonar Solheim for lånet! Svært snilt.

Jubileum

2010-09-28T14:43:00.003+02:00

Kona mi fyller 25 år,
og då er det lov med kake ein liten kaffi-tår.
Nokon meinar at ho er vaksen,
og sjølv meinar eg at ho er snaksen.

Feiande flott og nydeleg,
det må seiast tydeleg!
-For betre kjæarst kan ingen ha,
då må ein isåfall leita ein annan stad;

Skjølv ikkje der "ingen skulle tru at nokon kunne bu"
finnast maken til deg!
Tjo og hei, tudelidu,
Gratulerer, Kathrine, som betyr så mykje for meg!

:-)

Matauke

2010-09-27T22:02:00.002+02:00

Då har eg teke ansvar for å skaffe mat på bordet, og har begynt å arbeide som ergoterapeut. Hadde første arbeidsdag i dag, det blir spanande å sjå korleis dette vil gå..

Intet nytt...

2010-09-22T20:54:00.002+02:00

...er vanlegvis godt nytt. Men den lave frekvensen om dagen kjem ikkje av at vi ikkje har ting å drive med, men at kameraet står i 7 steinar.

Telttur

2010-09-16T19:30:00.003+02:00

Innimellom alt fekk vi endeleg tid til ein telttur i marka med Risholms.
Veret var ikkje heilt upåklageleg, så vi naut frokost, kaffi, brownie og bohnanza inne;)

Konsert

2010-09-02T23:50:00.004+02:00

Kom akkurat heim frå ein TV-Experience-konert på Smuget. Det var saker. Kjøpte CD;)

Bildet er frå ein konsert LE fekk med seg på skjærdgårds i 2008.

Biltur

2010-08-30T12:17:00.003+02:00

Denne helga har vi vore i eit kjekt bryllaup til Jon Olav og Anne Marte på Kjelllmyra, innst i Hedmark. Då er det kjekt å ha ståande tilbod om å låne bil med Silje og Stian. Takk for lånet!

Tilbake på skulebenken

2010-08-15T14:25:00.005+02:00

I løpet av første veka med forelesingar har vi kome så langt at vi no "har skilt tid og rom" i følge foreleseren. Morten og eg har hoppa på eit fag der forkunskapar i programmering er ei forutsetning. Mjuk start er difor eit framandord får vår del...

Surfing

2010-07-29T18:45:00.002+02:00

Som ein føresmak på neste sommar testa vi bølgene på Stad. Dei var ganske små, men for oss nybyrjarar gjorde dei susen.

Bevertninga var bra med grilling og vatnmelon.

Ergoterapeut

2010-07-15T15:33:00.004+02:00

Slik ser ergoterapeutar ut. Biletet er teke av Tina Østbye (takk Tina for flotte bilete).

Kona i huset er ferdig utdanna, og har planar om å verte hovudforsørgar til hausten ;) Det blir spennande å sjå korleis det går..

Kjærestepar

2010-07-11T23:35:00.003+02:00

Som vekependler må ein ta vare på helgene og frivekene. Vi har vore heldige med veret når vi har hatt fri, og hadde ein nydeleg tur i Femundsmarka ilag. Neste helg reiser vi vestover og gleder oss til båtliv, fjellturar, surfing og sosialisering...

Rudolf

2010-07-11T23:27:00.002+02:00

På tur i Femundsmarka forrige veke møtte vi på haugar med reinsdyr midt framfor oss på stien. I alle fall over 60 stykk. Nokon av dei våga seg svært nærme, medan andre lukta oss lenge før vi såg dei.

gutar og maskiner

2010-07-06T18:07:00.005+02:00

Som vikarierande skiftleiar saman med ferievikar nummer to, måtte eg i dag trå til som tippmann. Det betyr at eg måtte jamne ut tippen der dumperane tippar massane sine etter at vi har skyte ei salve, ved hjelp av ein 12-tonns hjullastar. Litt skummelt - skikkeleg artig.

Papirbryllaup

2010-06-27T15:48:00.003+02:00

I dag har vi vore gifte i eit år! Året har vore knall, og vi feirar med å legge ut bilete slik vi lova for ei tid tilbake. Kine Hansen Wik, søskenbarnet til Lars Erik, var fotograf heile dagen. Er kjekt å ha så flotte bilete å sjå tilbake på, for no er glansdagane over - det er kjente fakta at etter 25-års alderen vil utsjånaden bærre gå ein vei, og det er nedover.. ;)

Barnedåp

2010-06-26T23:43:00.004+02:00

Sist helg hadde vi gleda av å vere fadderar til niesa vår, Dorthea!
Kathrine var gudmor og fekk bære ho;)

Veslejenta holdt avtalen ho hadde med gudmora om ikkje å grine under dåpen, og var liksågodt smilande blid heile dagen...

Bislett Games

2010-06-06T20:25:00.002+02:00

Stor stemning då Thorkildsen vann spydkastkonkurransen. Spesielt jentene skreik høglytt.

Artig å sitje så nære at ein kan sjå alt som skjer bakom TV-produksjonen.

Because my Heart is Yours

2010-05-30T23:11:00.003+02:00

Laurdag var det duka til Grand Prix fest i stua vår, og Kristoffer hadda skaffa projektor for annledninga. Paljett-faktoren var høg, og Lars Erik fekk endelig anledning til å bruke den kvite dressen sin.

Vi fekk til og med besøk av ein ekte Grand Prix-entusiast frå Stavanger, nemleg Monica R. Det seier seg sjølv at det ikkje kunne bli anna enn ein fantastisk kveld :D

Tunnellarbeider

2010-05-22T21:29:00.007+02:00

Då er det avklart at eg skal jobbe med undersjøisk tunnellbygging i sommar! Gledar meg veldig til å få prøvd meg som ingeniør. Sykkelen blir bytta ut med fly, og Oslo må vike for Haugesund! Heldigvis har eg ei snill kone som lar meg vekependle heile sommaren...
Prosjektet blir kalla T-forbindelsen, og skal gjere Haugesund, Karmøy og Tysvær ferjefritt forbunde. Les gjerne meir om prosjektet.

Fashion Report

2010-05-13T11:19:00.002+02:00

Heilt vanleg familie i Riga. Godt at denne nydeleg utsmykka pelskåpa ikkje er komen hit til landet enno. For ikkje å snakke om manneveska?!

stafett

2010-05-09T13:54:00.004+02:00

"årets vakraste eventyr" vart ein stor opplevelse for oss. Eg (LE) sprang meg heilt ned i kjellaren for Reinertsen, som eg skriv bacheloroppgåve for, medan Kathrine hjalp sparebanken Bien i år også. Kathrine sprang inn 26 lag, medan eg berre klarte å holde plasseringa. Uansett er vi grådig godt fornøgde med å ha komt oss opp bakken og gitt pinnen vidare...

mor og barn

2010-05-01T19:05:00.001+02:00

To søte jenter og eit motlys.

Orrhaneleik

2010-04-26T22:26:00.004+02:00

I helga stakk vi ut i skauen med orrhaneleik som motivasjon.
Slik skulle det ha sett ut, men slik vart det..

Men sjølv om vi ikkje såg nokon orrhanar, så høyrte vi dei. Og natt til søndag fulgte vi etter nokon i ein halvtime, før lyden blei svakare og vi gav opp.

Nokon andre aktivitetar vart det sjølvsagt også tid til.

Som filuftslivsstudiet har lært den tankefulle, unge Sandal, må ein bruke god tid på å fordøye intrykk, og ikkje haste av gårde frå leiren.

Det er herleg med 2 netter under stjernene av og til.

onkel og tante

2010-04-22T17:39:00.004+02:00

I dag er det 2 veker sidan vi blei tante og onkel til ei nydeleg lite jente!
Ho har heilt klart fått det beste frå begge slektene, og søv i tillegg om natta! -Gjett om vi er stolte?! Kan ein ynskje seg nok meir?

Påskefeiring

2010-04-12T23:22:00.004+02:00

Sidan sist har vi flytta systa og familien, vert i Fosnavåg, stått på bådebortover og nedover ski, fylt 25 år og blitt tante/onkel igjen! Ei søt lita jente som flittig skal ha oss som barnevakter håpar vi...

Bileta er frå Strandafjellet. Dei fleste Torvikane var oppmøtte.

Kvikk lunsj, der den høyrer heime.

Ny hue for sesongen.

Eit år sidan sist, men har framleis taket?!

Daug-av-pils-gata

2010-03-21T21:58:00.003+01:00

Trikkestoppen utanfor hotellet vi budde på i Riga hadde eit namn som var lett å hugse.

Medan vi ventar...

2010-03-10T19:17:00.006+01:00

Mykje å gjere for tida. Vi ventar på svar på jobbsøknadar, bryllup i Trondheim, påskeferie, bursdag og ikkje minst; å bli onkel og tante igjen. Denne karen skal bli stor, storebror!

blå time

2010-02-26T17:01:00.006+01:00

Ein av halvdelane (den betre vil Kathrine seie) er på Sandane på litt jobb og sosialisering i vinterferien, medan frua må vere i Oslo på grunn av praksisen. Det er kaldt og flott her for tida. Spesielt når sola har gått ned og det skal bli mørkt. I går vart vi underholdt av to gjess (gås i fleirtal) som ikkje klarte å kome seg opp på isen i elva. Dei klarte det etter 5 hysterisk artige minutt. Kanskje legg vi ut filmen av dette ein dag.

Telttur i 17 kalde

2010-02-21T21:13:00.008+01:00

Til jul fekk Lars Erik gåvekort på overnatting i marka av Kathrine. For å få mest mogleg ut av dette, brukte han det no i helga i 17 minusgader ved Øyungen;) Sidan dette kortet gjaldt som veto, hadde ikke Kathrine anna valg enn å bli med på tur - dårleg blodomlaup eller ikkje.
Lars Erik håpa at dette skulle vere ei positiv oppleving for kona, og gi ho lyst til å bli med på fleire slike turar. Han hadde difor teke med ekstra soveposar til begge to. Dette gjorde veldig godt då begge kom frosne inn etter "grilling" av taco på bålet. Alt i alt var dei ei kjekk oppleving, trass litt kulde.

Lars Erik sine tips og triks for vinterturar med telt:
-Legg dei vanlege pluggane heime. Lag nye av trepinnar, og grav desse ned i snøven. Sitter som betong iløpet av få timar.
-grav teltet litt ned, men snøven isolerar, så ikkje gidd å grav heilt til bakken. Dessutan kan du (før snøven får eit islag) forme di eiga seng.
-legg ting du treng neste dag (pålegg, gamasjar, vottar, mm) ned i soveposen (gjerne i soveposetrekket), slik at det ikkje blir pinnstivt.
-Legg teltplassen slik at du får inn morgonsola.
-Bruk gjerne brenner/stormkjøkken i forteltet for å få opp varmen, men tenk brann.
-Spring deg varm før du legg deg i soveposen.
-Grav kuldegrop ved ein av inngangane.

Aking

2010-02-12T16:12:00.002+01:00

Såg ein perfekt is-bakke, og måtte teste. Desverre hadde eg ikkje like god balanse til å holde meg på beina no, som då eg var ung og trena..

Finn ein feil

2010-02-10T22:17:00.001+01:00

Hemsedal

2010-02-08T20:56:00.005+01:00

I helga, medan fru var på jobb, var eg på eit nytt eventyr kalla firmatur. Ikkje det at eg har ein jobb for tida, neida, men gjengen eg skriv hovudprosjekt saman med vart invitert av bedrifta vi skriv for. Vi har i det heile vore heldige med oppdragsgivaren vår, som i tillegg til hyttetur, skaffa oss eigne kontor, datamaskiner/programvare og svarar på det vi måtte lure på. Men nok skryt av Reinertsen.
I tillegg til å verte betre kjent med folka på "jobben", og oppleve fenomenet "after ski", må eg fortelje om luksushytta vi budde på. Les her, og sjå her. Om nokon andre vil vere med meg å leige hytta igjen, så er eg med for å seie det slik...

Postkort frå Riga

2010-02-03T20:25:00.004+01:00

Ungdommen no til dags er blitt slappe. Vi er ikkje noko unnatak, og gadd ikkje sende kort eingong. Vi angrar. Her kjem difor eit elektronisk kort til alle som stadig sjekkar postkassa i håp om spennande reisekort frå utlandsfararar:

Kjære...
No er vi på helgetur til Latvia sin hovudstad Riga. Ein by som truleg er livligare på sommaren når det faktisk er folk i gatene;) Til trass litt trist ver, kosar vi oss. Vi traskar rundt og ser på flott arkitektur, trange gater, dårleg brøyting og julelys i alle gater. Mykje god mat og kaffi vert det også på oss.
Biletet på framsida er frå tårnet til St.Peter's katedralen i gamlebyen (der vi var i dag), og viser eit glimt av oppholdsver, Daugava (elva) og europas 3.høgste TV-tårn (368.5m).
Klem frå Kathrine og Lars Erik

sinober igjen

2010-01-29T00:08:00.003+01:00

Denne gongen med fleire Eikenæsarar og fleire Torvikarar. Jentene har no endeleg fått skia sine etter at Nor-Way rota dei vekk i Ørsta, men det er ei anna historie.

Lillomarka

2010-01-19T18:16:00.003+01:00

Var i Lillomarka med familien Solheim og andre big-folk på søndag. Turen gjekk frå Solemskogen til Sinober, ein gamal serveringsstad som Oslo kommune har kjøpt og gjort om til "markastue".
Eit godt alternativ til Sognsvannsområdet, men eit hav av ruter gjorde at moiltelefonen måtte brukast for å finne kvarandre igjen etterkvart...

nye passbileter

2010-01-14T19:31:00.006+01:00

For å oppdatere legitimasjonen vår etter bryllupet har vi teke nye passbileter, sjølve. Moro var det, og så får vi håpe at nokon kan brukast...

Utan ski på beina

2010-01-10T23:03:00.004+01:00

Til vår store frustrasjon fann vi ut at skia til kona i huset låg på Sunnmøre. Upraktisk. Det vart difor ein "turist-i-eigen-by-dag" på oss. Turen gjekk til naturskjønne Bygdøy. Slik såg det ut i solnedgangen:

Marka kallar

2010-01-08T18:29:00.004+01:00

Då har eg (LE) vore på årets (og sesongen) første skitur. Etter ei heilsvart forelesing på morgonkvisten, kom eit par av klassekameratane mine ut at frisk luft og mosjon var det riktige.

Kan melde om knitrande føre, nyoppkøyrte løyper, -12 grader og god stemning. Om nokon vil vere med ein til Ullevollseter og ta ein kakao der på søndag, så er eg med!

Smøretips: har ingen, er ikkje så god på slikt, men eit lag med mørkeblå og eit lag med kvit (for -12 til -25) fungerte utymerka den første timen;)

Godt nytt år

2010-01-02T01:49:00.003+01:00

Tradisjonen tru, må vi også i år ha eit sjerneskotsbilete.

Ekteparet Torvik Eikenæs ønsker alle eit godt nytt år!

Oreokake er alltid ein suksess, og dette blir nok ikkje årets siste ;)

Julekveld i stova

2009-12-30T20:11:00.002+01:00

Vi feira jula saman for første gang, og det var stas!

Sjølv om vi var litt forkjøla begge to, hadde vi det fint på Sandane.

No er vi komne til Fosnavåg, der vi skal feire nyttår.

Også nissen var innom for første gang (på lenge).

Litt skummelt i starten, men så vart veslegutt overbevist...

Kvalitetstid

2009-12-24T14:41:00.006+01:00

Då er heime på Sandane, og julekosen er i gang. Her er morfaren ute med nevøen vår.
Håpar at alle får ei velsigna jul, med kvalitetstid med venner og familie.

Sunnmøringane var på besøk i Oslo, og køyrte oss vestover på søndag.
Kortskalle kan forresten anbefalast;)

Juleferie

2009-12-18T19:00:00.003+01:00

Då e ferien i endeleg i gang, og vi starta både ferien og julehandelen med ein betre frokost på Blings (der Kathrine jobba i sine yngre dagar), på St.Olavs plass. Det var saker. Julehandelen gjekk som smurt i år også, takka vere god planlegging. Alle gåvene på 3 timar! Slå den du!

konsentrert handarbeid

2009-12-13T23:09:00.001+01:00

adventsstund gir gull i munn;)

Aldri meir matteeksamen

2009-12-09T20:28:00.003+01:00

Då skal eg (LE) ikkje ha fleire matteeksamenar, nokon gong. Vedmodig? Oh, no. Etter 1 tentamen, 5 eksamenar og ca 35 studiepoeng sålangt i utdanninga mi, er det så absoultt ikkje trist at dette faget er over. Matte er eit viktig verktøy, men det blir ikkje noko anna enn det for meg;) Det siste kurset, som var eit valgfag, opnar moglegheiten for å ta master. Eksamenen gjekk forresten bra. Og når enden er god..

Førebuingstid

2009-12-08T22:35:00.004+01:00

Den siste tida har vore ei hektisk førebuingstid. Både til jul og eksamenar. Vi har vore på tre adventsbesøk med slekt og vennar og på julekonsert med Mosaic. Håpar at både snøven og juleferien kjem snart. I mellomtida kan ein glede seg med meir baking, eller artige filmar på youtube.

Pisspreik

2009-12-05T00:10:00.003+01:00

Den gode julematen, kanskje, men den gode jula?! Nei, den handlar du på ingen måte hos meny.
Denne reklama er nesten like dårleg som OsloCity sin reklamekampanje, for dei som har sett den.

ikkje første gang

2009-11-26T22:23:00.004+01:00

Vi kom på at det ikkje er første gangen at nasehjulet skapte bry for oss...
Denne gangen skulle vi fly frå Bangkok til Krabi, og blei ståande å vente i 2 timar medan dei skifta heile greia.
Store hjul forresten.

Uflaks

2009-11-24T20:59:00.005+01:00

Vi var ein tur til vestlandet i helga. Begge på pølselaging, og Lars Erik på Kompis-jobb på Norfjord FHS. Vi skulle fly heim for å spare tid. Då vi var komt i flyet kl.4, viste det seg at nasehjulet ikkje reagerte slik som det skulle. Vi måtte "gå iland"som kapteinen sa, og det tok ein time før hjulet var fiksa.

Då vi endeleg var komne vest for langfjella, fekk vi beskjed om at vi ikkje kunne lande på Sandane interkommunale flyplass Anda, men måtte til ein skog i Sogn. Det blas visstnok 50 knop i kasta. Lang historie kort; vi var heime kl 21 etter 7 timars reising frå Oslo. Då kan dokke tru at frua måtte på do, og at mannen var svolten. Uthola faktisk.
Kva er det med flaksen til Lars Erik når han skal ut å fly med Wideroe?

Bålkos

2009-11-08T21:56:00.001+01:00

Marka på kryss og tvers

2009-11-01T22:11:00.003+01:00

På fredag stakk storfamilien på telttur til Øyungen. Planen var å få litt frisk luft, få mosjonert og testa teltet i kuldegrader. Vi fekk ein god kombinasjon, og måtte (som illustert) trimme for å få opp temperaturen før leggetid.

Ved daggry kom Risholms innover marka på besøk. Vi gjekk ei god runde på ca 2 mil, og rasta undervegs. Sola glimra med fråværet sitt, men maten smakte;)

Finn ein feil

2009-10-27T22:58:00.002+01:00

konsert i spektrum

2009-10-25T19:57:00.005+01:00

Sist helg var fleire Torvikar i byen, og vi gjekk på
konsert med Gaither vocal band.
Spektrum var full av eldre entusiastar, og scena var full av kor og vokalgrupper.
Ståpelsfaktoren var høg. Dette er stemmeprakt få andre har.
(ein smakebit?)

Små barn...

2009-10-15T20:06:00.001+02:00

...og store fuglar.

Bakedag

2009-10-11T15:02:00.002+02:00

Sida ej no he blitt kone, så må ej bjynt å gjær koneting. Ka va da meir naturli enn å invitere nåken av jentene mine til bakedag? ;)

Vi va nok litt for abisiøse da vi skulle bake doble oppskrifte av både scones, ostehorn å vaniljehorn på vårt lisje kjøkken, men resultate blei veldi bra! Neste gang får vi bestemme oss for å bake bærre en ting, sånn at vi sleppe å springe å ta scones ut av ovnen midt i Greys.

Tips: Haustutstilling

2009-10-06T19:54:00.004+02:00

Vi var ein tur på haustutstillinga forrige veke, og fekk sjå denne karen hengande utanfor. Sjølv om det var det kulaste vi såg, var det vert ein tur inn også...

Bursdagsbarn

2009-10-01T23:04:00.006+02:00

Denne veka har vi hatt to bursdagar i familien, to feiringar. og to burssdagsbarn. Er dei ikkje søte?

Når sluttar ein å vere bursdagsbarn, egentlig?

Haustjamndøgn

2009-09-26T00:45:00.006+02:00

På torsdag var det haustjamnøgn (dag og natt er like lange), og fleire av bydelane i Oslo laga ein kuturell tur langs Akerselva, kalla Elvelangs. Alt gatelys var bytta ut med levande lys! Vi gjekk saman med søster Torvik, familien Solheim og familien Vik. Koseleg.

Dette var installasjonen som Rambøll hadde laga. "Flytande stålampe".

I Nydalen var korps og kor bytta ut med ein breake-battle.
Dei små dansarane imponerte!
Neste år burde alle som oppheld seg i byen ta turen opp til Frysja i slutten av September...

Gutta på tur

2009-09-19T07:57:00.004+02:00

Sist helg var eg på tur med 6 av gutta i klassa mi. Turen gjekk til Mo si hytte ved Sætersjøen, eit nydeleg område med eit ikkje fullt så nydeleg fiske. -I alle fall ikkje denne helga.

Vi fiska etter gjedde og abbor heile dagen, men kun dei lokale heltane Våge og Mo fekk napp. Vi andre naut kanoturen, og synet av naturen og beverfamilien.

Og til slutt, eit bilete av "flanellskjorta sitt originale tilbehør", som sjølvsagt var med på turen.

Offisielle Oslofolk

2009-09-07T23:24:00.003+02:00

Då har fått brev med både Oslo kommune og skatteetaten om at vi er blitt innbyggarar av Tigerstaden. Etter fleire år i byen er det berre rett og rimeleg at vi skal betale skatt hit, for å bidra til opprusting og drift av alle samfunnsgodene her.

Vi byrjar å få det koseleg, og ynskjer folk velkomne på besøk! Dørene våre er alltid opne (om du ringer på rett knapp) og vi har plenty plass.

Det er berre å pugge tallet 31, eller sjå etter turkise- og limegrønne gardiner;)

Fredagskos

2009-08-30T22:36:00.012+02:00

Etter eit to månadars ekteskap meinte tydlegvis Silje og Stian at det var på tide med ei skikkeleg utfordring!

Dette har Lars Erik lært av rittet:

-Det går an å finne brukbare ting på bakken (solbriller, skjermar og andre godsaker)

-Kathrine har (endeleg) slutta å bremse, og har blitt råtøff i nedoverbakkane.

-I reint sinne over at gira ikkje virka i over 2 mil, joggar eg lett frå syklande folk i oppoverbakkane.

Dette har Kathrine lært av rittet:

-Manne min he imponerande tolmodighet når ej e kald, sliten og sytete.

-At det ikkje finnst nok varme kle i værda for å holde mej varm under slike omstendigheter.

-sykkelskjermar må skruast innihampen godt fast om dei skal få vere med heile turen.

Her har vi lagt ut eit ei "før" bilete, og vi hadde planar om å legge ut eit

"etter-bilete" også...

...men når både auger, munn og alle andre kvadratcentimeter er fulle i sand og vi har frose i 5 timar, slik at vi må gire med knyttneven, gidde ikkje ekteparet Torvik Eikenæs å ta bileter;)

Dokke får heller sjå VG-biletespesial ved å klikke på faksimilen, eller sjå denne filmen på Youtube.

Når vi har fått sagt dette, må vi innrømme at det var grådig kjekt å ha gjennomført rittet (spesiellt under slike forhold).

Vi lyt nok ein gong få takke for bryllupsgåva, og om det skal bli nokon neste gong, skal vi bestille betre ver.

Birken

2009-08-25T22:51:00.003+02:00

Nedtellinga er snart over, og det berre 3 dagar att til vi skal få nyte godt av bryllupsgåva vi fekk av Silje og Stian, nemleg bilettar til birkebeinerrittet. Vi gav kvarandre syklar i morgongåve, og har etterkvart fått (til tross for mykje jobbing og forkjølelse) nokon mil i beina (og i baken). No er vi spente, og gledar oss til å kome oss i gang.

Kompis

2009-08-21T21:04:00.005+02:00

Bjarte og eg stod på stand for Kompis på Arena. Godt at eg fekk vere med å bidra og å oppleve standlivet også i sommar. Nytt av året var den brune t-skjorta som Bjarten hadde designa. Den slo an. Vi fekk 35 givarar til prosjekta i Mali! Er du Kompis??!

Og som vanleg var det vår stand som var den kosligaste når mørket kom og thailand-juggel-lysa våre lyste opp;)

Tips: Turistforeningen

2009-08-14T15:29:00.003+02:00

Dagens tips må vere å melde seg inn i Den Norske Turistforening.

Fjellet hadde ikkje vore det samme (les: like trygt) utan skilting og merking frå turistforeninga. Og som om ikkje dette er god nok grunn til å støtte dei, så er det andre fordelar også...

-Ei gratis reise med NorWay bussekspress (valgfri strekning)

-Rabatt på Oslo Sportslager

-Rabatt på Thon overnattingar

-Rabatt på forsikring

-Rabatt på overnattingar på hyttene (magne av dei i marka)

-Rabatt fiskeutstyr, kart, og alt anna som turistforeninga sel sjølve.

-osv.

Altså; ingen god grunn til "ikkje å melde seg inn"...

...og herligheten kostar berre 280,- for oss unge, og 225,- for medlem nr.2 i husstanden.

Meisegadden

2009-08-13T19:00:00.005+02:00

Tidlegare i sommar var vi på hyttetur på hytta til familien Solheim.

Vi grilla, spela yatzi (der erfarne fam. Solheim vart grusa!) og gjekk tur i hestedalen.

Sjefen sjølv hadde o-fags-time for oss, og viste oss ei fuglekasse med egg i!

Moro.

glimt

2009-07-25T22:25:00.000+02:00

Acts by night.

Det kvite tårn i Tessaloniki. Tidlegare hjørnestein i ei festning, fengsel og no museum.

Familien på storbytur til Tessaloniki.

Denne butikken har etter mi meining forstått det. Dei har rett og slett bilete av alle reolane og alle produkta i vareutvalet i butikkvindauget. Så det skulle vere heilt unødvendig å lure på kva dei sel.

Sukkerspinn

2009-07-22T19:22:00.004+02:00

Når ein veit kor glad Kathrine er i sukker, kan biletet tale for seg sjølv.

Lesehest

2009-07-17T22:29:00.006+02:00

Då nærmar reisa seg slutten, og vi har gjort opp status. Det blei tilsaman 13 bøker. Kathrine aleine står for 8 av dei!

Det går opp for Lars Erik at han har gifta seg med ein lesehest, og at han er i ferd med å verte ein sjølv;)

Flyging

2009-07-13T17:11:00.004+02:00

Kraftig inspirert av Lars Erik sitt søskenbarn (ein av psykologane), og motivert av den gode tida vi har til disposisjon på ferien, kasta vi oss ut i flygeprosjektet.

Dette er noko alle burde prøve sjølv. Ein treng berre 1 stor dobbeltseng, 1 kamera, og helst 1 stk. supermanndrakt/kappe/handklede.

Lars Erik tek armhevingar på ei hand samtidig som han snakkar i telefon med mor.

Kathrine klarar aldri å legge frå seg boka si, og les seg heilt ned i senga.

Utsikt

2009-07-12T18:00:00.010+02:00

Frå rommet vårt har vi god utsikt. På ein god dag kan vi til og med skimte havet. Det gjorde vi ikkje i går då det regna som verst.

Sjekk kor det plaska ned!

Men fortvil ikkje, vi søkte ly under ei regnjakke, og kom oss tørrskodde ned til middagen i byen.

Bryllupsreise

2009-07-09T10:21:00.005+02:00

Da er vi endelig gift (!), og no nyt vi livet på Halkidiki i Hellas.

Bilder frå det storslåtte bryllaupet kjem når vi er ferdige med ferien.

Kathrine plyndrar hotellbiblioteket...

...medan Lars Erik held fortet ved bassenget.

Heimreise

2009-06-21T00:40:00.008+02:00

Som mobil barnevakt, kom eg (LE) meg heim på torsdag. Turen vestover var alletiders.

Systa og eg byta på å køyre og på å leike med vesleguten.

Vi vart forbikøyrde av 9 feite Mercedesar (SLR McLaren AMG). Vi tippa dei til omkring 2 mill pr stykk, men då vi kom heim, hadde svogeren min sjekka ut saken og funne ut dette (film)! Det var ein klubb med SLR-eigarar som skulle på ein 8-dagers tur med bilane sine. Ikkje rart at dei hadde med to (også veldig feite) Gelender Vagon'ar til eigedelane sine...

Vel heime var det berre å nyte både utsikten og maten... Digg.

Det Brenner!

2009-06-17T20:40:00.006+02:00

Når du sit i leiligheten og kjenner røyklukt, ser ein ut vindauget. Det fine med å bu i ein by, er at du etter dette kan sjekke nettet, og somregel lese om det som skjer. Akkurat no.

Og akkurat no brenner det 200m i luftlinje frå leiligheten min. Det er eit kontorbygg som brenn, heldigvis utan folk i.

Det er tøffe dagar for kara oppe på taket. Tenk for ein spennande, variert og viktig jobb.

Utdrikkingslag

2009-06-17T14:33:00.004+02:00

På laurdag hadde Morten stelt i stand ein svært så opplevelsesrik dag for meg.

Vi starta med diverse flaue ting nede i byen, der eg måtte bevege meg eit godt stykke utanfor comfortsona mi. Etter det, venta pain(t)ball i Sørkedalen. Grådig bra bane, og grådig kjekt. Gjett kven som måtte vere kanin?

Til slutt reiste vi ut av fylket på villmarktsur i skogen. Der bada dei tøffaste av oss, (M, S, B og LE for å ikkje nemne namn). Kokken laga verdens beste hamburgerar, vi kosa oss rundt bålet utover natta. Gledeleg at så mange kunne kome, og at folk tok turen langvegsfrå!

Bra arrangement Morten!

(det er ikkje passande å legge ut fleire bileter -men eg er redd bryllupsgjestene får sjå litt meir;)

Jentetur til Spania

2009-06-14T20:01:00.008+02:00

Ingrid og Kathrine fann ut at vi ville reise ei veke til Spania i eksamensperioda si, og som tenkt så gjort. Vi reiste til ein plass som heiter Malgrat de Mar, ca 6 mil fra Barcelona. Det blei lite tid til oppgåveskriving, då vi heller prioriterte bruning og 2 dagar i Barcelona.

I Barcelona fann vi eit marked som hadde alt ein kunne ønske av frukt å grønt.

Vi var tilfeldigvis i Barcelona den dagen Barcelona spelte cup-finale kamp mot Manchester United. Og stemninga var på topp for å seie det sånn! Kom på spansk tv gjorde vi også:)

Vi fekk ikkje vert i Barcelona til kampen var ferdig spelt, men her er eit lite filmklipp av det som møtte oss då vi kom tilbake i Malgrat de Mar. Alle var ute i gatene, og dei sang, dansa på biltaket og liknande. Dette var nok bare barnemat i forhold til feiringa i Barcelona etter kampen!